Bu Şəhərdə Kimsə Yoxdur (16-cı nəşr)

Rövşən Abdullaoğlu

– Bu şəhərdə kimsə yoxdur! İnsanlarla dolu kimi görsənir, ancaq başını çiyninə qoyub ağlayacağın biri yoxdur. Səni anlayacaq, yıxılanda əl uzadıb yerdən qaldıracaq biri yoxdur. Bu şəhərdə mil­yonlarla insanın içində sən təksən, kimsəsiz və gözəgörünməz! Bü­tün şəhərlər də elə bu cürdür. Ölkələr də elə şəhərlərdən təşkil olun­mayıbmı, deməli, bütün bu dünyada tək-tənhasan.
Qoca Villiyə tanış fikirləri elə içdən dedi ki, bir anlıq elə sandı, onun düşüncələrini oxuyur. Villi on beş il idi ki, bu şəhərdə kim­sə­nin olmadığını düşünürdü. Ona elə gəlirdi ki, dünya tamamilə boş və sakinsizdir. Və o, ucsuz-bucaqsız bir səhrada tənha yaşayır.

 

Çıxma tarixi: 09.02.2018 Kitabın mövzusu: Psixoloji roman


Çətin Olsa Da, Həyat Davam Edir (10-cu nəşr)

Rövşən Abdullaoğlu

Həyatı çətinliklər olmadan təsəvvür etmək mümkün deyil. Hər kəsin özünə görə sıxıntısı, problemi var. Bəzən çətinliklər in­san­ları elə bir həddə gətirir ki, yaşamağa olan istəkləri, gələcək arzu və xəyalları tamam puç olur. Bu cür insana bəzən kiçik bir istiqamət belə kifayətdir ki, həyatı tamamilə dəyişsin, baş ve­rən­lər yeni məna kəsb etməyə başlasın. Qarşınızda olan bu kitab hər mövzuda bu cür həyati istiqamətlərlə doludur. Çoxlu elmi mü­ta­liələrin, bu sahədə olan təhsilin, araşdırmaların nəticəsi olan bu əsəri yazmaqla kəşf etdiyim ən mühüm həqiqətləri sizinlə də bö­lüşmək istədim. 
Bəli, bütün çətinliklərə rəğmən, həyat davam edir.

 

Çıxma tarixi: 18.01.2018 Kitabın mövzusu: Motivasiya psixologiyası


Hər Bir İnsan Hökmdardır (4-cü nəşr)

Rövşən Abdullaoğlu

Var-dövlət içində üzən insanın batini mənfi narahatedici fikirlər və əzabverici hislərlə doludursa, o, yenə də özünü dünyanın ən kasıb, miskin insanı kimi hiss edəcəkdir. O, hər nə qədər böyük alınmaz qəsrlərdə yaşasa belə, yenə də Somalidə küçədə yatan, lakin ruhu gələcəyə ümidlə dolu olan, müsbət düşüncələrlə yaşayan gəncdən daha çox özünü evsiz-eşiksiz biri kimi hiss edəcəkdir... Batini yoxsulluqdan azad olan ən az vasitələrlə varlı olacaqdır. Batini yoxsul olan kəs isə dünya sərvətinin üzərində otursa belə, yenə də kasıbdır.

Çıxma tarixi: 05.01.2017 Kitabın mövzusu: Motivasiya psixologiyası


Zamanı Necə Yeyək (4-cü nəşr)

Rövşən Abdullaoğlu

Antik dövrlərdə “Əlkimya” adlanan qəribə bir elm sahəsi vardı. Kimyagərlər adi metalları qızıla çevirməyi mümkün edən sirli bir maddənin formulunu hazırlamaq istəyirdilər. Qə­dim yunanlardan sonra ərəblər və orta əsr qərb kimyagərləri də uzun müddət bu sehrli formulun axtarışında oldular. Ancaq onların tədqiqatları heç bir nəticə vermədi. Əslində, bütün kim­yagərlərin axtardıqları nəsnə heç bir zaman onlardan gizli de­yildi. Bu kimya onların diqqət etmədikləri sadə bir şeydən iba­rət idi: zaman. 
Zamanı idarə edən həqiqi kimyanın sahibinə çevrilir. Bu kitab da məhz bu mövzudan bəhs edir.

 

Çıxma tarixi: 20.10.2016 Kitabın mövzusu: Zamanın idarə olunması


Hikmətin Əvvəli

Əllamə Təbatəbainin ˝Bidayət-ul-Hikmə˝ kitabı əsasında yazılmışdır. Şərh və əlavələr: Rövşən Abdullaoğlu

“Bidayətul Hikmə” böyük filosof Əllamə Təbatəbainin “mü­təa­li­yə” fəl­­sə­fəsində yazdığı ən mühüm kitablardandır. Bu kitab islam fəl­sə­fəsi ta­ri­­­xində təd­ris olunan fundamental əsərlərdən hesab olunur. “Bidayətul Hik­­­mə”nin or­taya qoyduğu məsələlər, ağılın bəzi mət­ləbləri bir­başa, də­lilsiz dərk edə bilməsi, mütləq mövcud anlayışı, vücudun əsa­ləti, kəs­rət­­də vəh­dət prinsipi, mahiyyətin qeyri-hə­qiqiliyi, zaman, sə­bəbiyyət qa­­nununun ma­­hiy­yəti, Va­cibin isbatı və xüsusiyyətləri kimi mühüm möv­­zulardan iba­­rətdir. “Bi­da­yə­tul Hik­mə” kitabında fəlsəfə öyrənmək is­təyənlərin ilkin mərhələdə eh­tiyac duy­duqları bütün mət­ləb­lər vardır. Ta­­nınmış bir çox filosoflar belə bu kitabdan dərs almış və onların elmi cə­­hətdən ye­tiş­mək­lərində bu kitabın böyük faydası olmuşdur. “Hikmətin Əv­­vəli” kitabı da məhz “Bidayətul Hik­mə” əsərinin əsa­sında işlənilmiş, qə­liz və dərin mətləbləri oxucuya sadə dil ilə çatdırmağa çalışmış bir kitabdır.

Çıxma tarixi: 04.01.2016 Kitabın mövzusu: Fəlsəfə


İnsan Dünyadan Sonradan Sonra (2-ci nəşr)

Əllamə Təbatəbai. Şərh və əlavələr: Rövşən Abdullaoğlu

Müxtəlif aləmlərin mövcudiyyəti yalnız İslamın deyil, bir çox fəlsəfi, dini və elmi məktəblərin qəbul etdikləri bir həqiqətdir. Ən qədim fəlsəfi məktəblərdən olan kökləri eramızdan min illərlə əvvələ gedən yoqa təlimlərində də bu barədə bəzi fikirlər irəli sürülmüşdür. Hind fəlsəfəsində də oxşar elementləri görmək olar. Neoplatonizm və qnostisizm fəlsəfi düşüncələrində də ruh və ruhani aləmlərin çoxluğu fikirləri yer almaqdadır. Okultist təlimlərdə də müxtəlif aləmlərin mövcud olması bildirilməkdədir.
Bu kitabda insanın ölümündən sonra daxil olacağı aləmlər və orada baş verəcək hadisələr barədə çox maraqlı mövzular yer almaqdadır.

 

Çıxma tarixi: 03.04.2015 Kitabın mövzusu: İnsan taleyi


İnsan Dünyadan Sonra (4-cü nəşr)

Əllamə Təbatəbai. Şərh və əlavələr: Rövşən Abdullaoğlu

“İnsan dünyadan sonra” adlı bu kitab Əllamə Tə­ba­tə­bai­nin “İn­san ri­­saləsi” əsasında işlənilmişdir. Bu kitab insanın dün­yadan son­­rakı taleyi ba­­rəsindədir. Ölüm və onunla baş­la­yan sonrakı hə­yat ayə və hədislər əsa­­sında bəyan edil­miş­dir. Bu kitabda ölüm və on­­dan sonra baş verəcək ha­­disələr ba­rədə bir çox maraqlı faktlara to­­xunulmuş, insanın dünya hə­­ya­tın­dan sonra keçəcəyi müxtəlif mər­­hələlər və onlarda in­sanı göz­lə­yə­cək hadisələr barədə geniş mə­­lumat ve­ril­mişdir.

Çıxma tarixi: 20.02.2015 Kitabın mövzusu: İnsan taleyi